መስኡል መሕበር ወጠን ሸባብ ወደረሰ ኤረትርየ አሰይድ ሳልሕ አሕመዲን እት ዮም 16 ፌብርዋሪ እግል ክሉ ክፈል አቅሊም ቅብለት በሐር ቀየሕ እንዴ ወከለው ለመጸው ሸባብ እት ሕርጊጎ እንዴ አምሐበረ፡ እብ ክሱስ ሓድረት ርእየት ለመሕበር ወዶር ሸባብ ሀድገ ምስሎም።
ሸባብ ዔጻት ምጅተመዕ ሰበት ገብአው፡ ሰዋልፍ ዓዳት መጅተምዖም እንዴ ሐፍዘው፡ በራምጅ ወጠን እግል ዐወቶት መፍርየት እግል ልግብኦ መትነዛሞም እንዴ አተረደው ወወራታቶም እንዴ አትመቃርሐው እግል ልሽቀው ለአትፋቀደ አሰይድ ሳልሕ፡ እት ክል ሐረከቶም እግለ ግራሆም ለህለ ግም መሰል ሰኔት እግል ልግብኦ ትፋነዮም።
ምሽተርከት እብ እንክሮም፡ እት ሸባብ ለተንከበ በራምጅ፡ እብ ጅንስ ወርሕ ብነ እግል ልትወቀል እት ልትሐሰቦ፡ እግል ዐወቶትለ ልስተት በራምጅ ጅህዶም እግል ሊደው ክም ቶም አከደው። እተ መናሰበት ተአሂል ጅንስየት/ወጠንየት ለነስአው 62 ካድር ትደሐረው።
